په پارلماني چارو کې د دولت وزیر ضیاء الحق امرخېل په کابل ښاروالۍ کې له کابل ښاروال محمد داود سلطانزوی سره لیدنه وکړه. په دې لیدنه کې کابل ښاروال د کابل ښاروالۍ او په پارلماني چارو کې د دولت وزارت تر منځ پر هر اړخیزه همکارۍ ټینګار وکړ او ویې ویل چې د دغو دوو بنسټونو تر منځ په نږدې همکارۍ کابل ښاروالي د ملت کور ته په ښه توګه ځواب ویلی شي.په ورته وخت کې ښاغلي امرخېل وویل چې په پارلماني وزارت کې پر یوه سیستم کار روان دی، چې د هغه پر اساس به له دې وروسته ټول بنسټونه او ادارې د اصولو او قوانینو مطابق ولسي جرګې ته ځواب وايي.
