د هوتخېلو قوم لسګونو مشرانو او ځوانانو له کابل ښاروال محمد داود سلطانزوی سره ولیدل. دوی په دې ناسته کې د کابل ښاروال او ښاروالۍ له فعالیتونو خپل ملاتړ اعلان کړ او د خپلې ساحې د ستونزو په اړه يې ښاغلي سلطانزوی ته راپور ورکړ. دوی وویل چې په هوتخېلو ساحه کوڅې نه دي پخې شوې. ښاغلي سلطانزوی وویل چې په کابل ښاروالۍ کې د ښار وضعيت د ښهوالي او کارموندنې پرمختيايي پروګرامونه شته، چې د دغو پروګرامونو په پلي کولو کې د خلکو همکاري اړینه ده. هغه زیاته کړه چې کابل ښاريان باید له ښاروالۍ سره همکاري وکړي او د ښار په نظم کې ونډه واخلي.
