د لا زیاتو ښاري آسانتیاوو د رامنځته کولو په موخه په دې وروستیو کې په لومړۍ ناحیه کې د کابل ښاروالۍ له لوري د قاضي بڼ د بیارغونې کار بشپړ شو، چې د فوټبال ورزشي ډګر او د ماشومانو د لوبو ډګر جوړول، څاه کیندل او د څښاک اوبو ذخیره جوړول پکې شامل وو. دغه بنسټ د رغونې او جوړولو له لارې د چاپېریالي او ټولنیزو اسانتیاوو تر څنګ د ښار د ښکلي کولو اړخ ته هم پاملرنه کوي. لومړۍ ناحیه نظر فرهنګي میراثونو درلودو او همدارنګه اقتصادي ارزښتونو ته په پام د کابل ښار یوه تاریخي او مهمه ناحیه ګڼل کېږي.
