د اغاخان موسسې د KARIT پروژې مسولانو د دغې پروژې د کار له پرمختګ کابل ښاروال ښاغلي محمد داود سلطانزوی ته پریزنټېشن وړاندې کړ.
مخکې له دې د کابل ښاروال مشرتابه له اغا خان موسسې غوښتي وو، چې په ماشین خانه، چنداول او جویشیر ساحه کې د کار د ډول په اړه کابل ښاروال ته روښانتیا ورکړي.
ښاغلي سلطانزوی په دې اړه وویل چې د ځينو پروژو په هکله اړینه ده چې د کابل ښاروالۍ نظر په پام کې ونیول شي.
کابل ښاروال د پروژې له مسوولانو وغوښتل چې د پروژو د کار په پرمختګ کې چټکي وکړي، څو د پروژو کار ژر بشپړ شي.
د KARIT پروژې کار په ۲۰۱۸ کې اغاخان بنسټ پيل کړ او ټاکل شوې چې په ۲۰۲۱ کې بشپړ شي.
