د ځينو دلایلو پر بنسټ له مکروریان ساحې تر احمدشاه بابا مېنې پروژې د قلعه زمان خان ۶۰ متره سړک د ساختمان کار ځنډلی و، اوس د کابل ښاروالۍ په لومړیتوب کې دی او کار یې چټک روان دی. د دغه سړک اوږدوالی ۴.۲ کیلومتره او سور یې ۶۰ متره دی، د کابل ښاروالۍ د کار، ساتنې او څارنې عمومي ریاست له لوري په څلورو اصلي او فرعي کرښو کې د کابل ښار نهمې او شپاړسمې ناحیې په اړوندو ساحو په اساسي ډول جوړېږي. د کابل ښاروالۍ مشرتابه ژمنتیا لري چې په روان کال کې یې د اصلي کرښو کار بشپړ او د ښار مرکزي ساحې له ختیځ او جنوب زونونو سره ونښلول شي. له دغه سړکه په ګټه اخیستنه به د اړوندو ساحو پر اقتصادي ودې سربېره د نوې کارتې او بګرامي واټ د ترافیکو ګڼهګوڼه کمه شي.
