کابل ښارول محمد داود سلطانزوی د استازو په مجلس کې د خلکو له استازي عبد القیوم خیرخواه او د دې ناحیې له ځينو استازو سره د یولسمې ناحیې د ستونزو د اورېدو او په ښار کې د ابادۍ پروژو پر اجرا کېدو بحث وکړ. په دې لیدنه کې د یولسمې ناحیې اوسېدونکو په روان کال کې د کابل ښاروالۍ د مشرتابه له پروګرامونو څخه د ملاتړ تر څنګ له کابل ښاروال سره خپلې ستونزې او وړاندیزونه شریک کړل. کابل ښاروال له ستونزو اورېدو وروسته وویل چې د کابل ښار اوسېدونکو غوښتنو ته رسېدنه د کابل ښاروالۍ کاري لومړیتوب دی. ښاغلي سلطانزوی وویل چې د دوی د برحقو غوښتنو د پوره کولو لپاره به له ټولو امکاناتو ګټه واخلي. کابل ښاروال په ښار کې د ابادۍ پلانونه د خلکو یوه پر حقه غوښتنه وګڼله او په یوولسمه ناحیه کې یې د څو بېخبنسټي او ټولګټو پروژو یادونه وکړه.
