د هېواد ملي بیرغ ورځې د نمانځنې په مناسبت په ځانګړي پروګرام کې د کابل ښاروالۍ لوړ پوړو چارواکو، د کابلیانو اجماع، د خصوصي بنسټونو ځينو استازو، د مدني ټولنې غړو او رسنیو په ګډون دغه ورځ ونمانځله. په دغه پروګرام کې د هېواد خورا ستر ملي بیرغ چې ۵۰۰ متره اوږد و، په دارالامان واټ کې په اهتزاز راغی. همدارنګه درې روان تختونه چې د افغانستان په ملې بیرغ سره ښکلي شوي وو، د ځینو ورزشکارانو په حضور یې د کابل مختلفو ساحو ته حرکت وکړ. په دغو دریو تختونو کې د وطن ترانې هم په ژوندۍ بڼه خپرې شوې.
