د ترافیکي نښو او لارښونو د لیدلو او نظر کې نیولو په موخه د ۳۰،۶۲ کیلو مترو په اوږدوالي د کابل ښار مرکزي واټونو د کرښو اچولو کار د کابل ښاروالۍ له ګټور او موثر ښاري ترانسپورټ پروګرام څخه پیل شو. یاده پروژه ۲۰ واټونه په بر کې نیسي چې پیل یې له دارلامان، شهید څلور لارې او هنګرها څخه وشو او د قمبر څلور لارې په لوري روان دی. د واټونو کرښې اچول د یوې معیارې دستګاه په وسیله ترسره کیږي. په کرښو اچولو کې د وصل کرښې، منقطع، او ترافیکې نښې شاملې دي. له ښاریانو څخه هیله کیږي څو د ډریورۍ پر وخت موټر پر کرښو تیر نه کړي او له کابل ښاروالۍ سره د ټولګټو پروژو په ساتنه کې مرسته وکړي.
د ۳۰،۶۲ کیلو مترو په اوږدوالي واټونو دکرښو اچولو کار پیل شو.
21 اسد 1399