د خنډونو (قلعه زمان خان ۶۰ متره سړک پر مسیر تر استملاک لاندې کورونو) د پاکولو په دوام نن د زمري په ۲۶مه په نهمه ناحیه کې د بنايي ساحې مخامخ ځينې د استوګنې کورونه چې د دې پروژې پر وړاندې خنډونه وو، تخریب او له لرې کړل شول. د خنډونو په لرې کولو سره د دغه سړک د ساختمان د کار لپاره لار هواره شوې ده. له مکروریانو څخه تر احمدشاه بابا مېنې پروژې پورې د قلعه زمان خان ۶۰ متره سړک د اساسي ساختمان تر ۴.۲ کیلومتره زیات اوږدوالی او ۶۰ متره سور لري، په نهمه او شپاړسمه ناحیه کې یې د دغه بنسټ د کار، ساتنې او څارنې ریاست په څلورو اصلي او فرعي خطونو کې په اساسي ډول جوړوي. د کابل ښاروالۍ رهبري ژمنتیا لري چې په روان کال کې یې د اصلي خطونو کار بشپړ شي او د ښار مرکزي ساحې د ښار له ختیځو او جنوبي زونونو سره ونښلوي.
