په اومه ناحیه کې د ریشخور ساحې د فامیلیو ګذر په لومړۍ او دویمه برخه کې د رغونې د دوو پروژو کار چې د ۲۰ کیلومتره سړک کانکریټ پکې شامل دی، دوام لري. دغه پروژې د کابل ښاروالۍ د پرمختیايي پروګرام له لارې په راتلونکو پنځو میاشتو کې تر ۱۲۲میلیونه افغانیو په زیات لګښت سره پلې کېږي. په دغه ګذر کې پر سړک سربېره ۳۰ کیلومتره ویالې او ۱۴۶۷ متره پلې لار هم جوړېږي. دې سیمې ته پخوا کمه پاملرنه شوې او اوسمهال پراختیايي پروژې پکې عملي کېږي.
