کابل ښاروال له بیړنیو پیښو سره د مبارزې په برخه کې د دولت وزارت له وزیر غلام بهاوالدین جیلاني او د پروان له والي ډګر جنرال فضل الدین عیار سره په ټلفوني اړیکو کې د وروستیو بیړنو پیښو له امله د پروان خلکو ته د رسیدلو ځاني او مالي زیانونو اوښتو په اړه د خواشینۍ څرګندولو ترڅنګ له دوی سره د هر ډول مرستې ژمنه وکړه . کابل ښاروالۍ خپل یو شمیر وسایل او ماشینري زیانمنو ته د رسیدو په موخه د دوی په واک کې ورکړل او دنده یې ورته وسپارله څو د خلکو د ستونزو په حل کولو کې مرسته وکړي. تر اوسه د کابل ښاروالۍ د اوبو ټانکر سیمې ته رسیدلي څو اړمنو ته د اوبو په رسولو کې مرسته وکړي او ماشینري به هم ډیر ژر د سیمې د پاکوالي په موخه یاد ولایت ته ورسیږي.
