د برچي له قلعه نو څخه تر کابل- کندهار لویې لارې د شهید مزاري واټ د ساختمان د دوام کار، چې ۳.۷۹۱ کیلومتره اوږدوالی او ۴۰ متره سور لري، د مختلفو دلایلو له امله دردېدلی و، اوس بیا پيل شو. د دغه سړک ساختمان تر یوه کاله پورې بشپړېږي او ګټې اخیستنې ته به چمتو شي. کابل ښاروالي دغه سړک د ۲۸۴ میلیونه افغانیو په ارزښت په اساسي ډول چې د یوه معیاري سړک ټول جزیات پکې شامل وي، رغوي. د کابل ښاروالۍ متخصصین به په دوامداره توګه د غوره کیفیت او ډيزاین مطابق د دې پروژې د پلي کېدو څارنه وکړي.
