د کابل ښاروالۍ او یو شمیر نورو بنسټونو په نوښت د بایسکیل ځلغونې ملي فدراسیون له لوري د سپورټي فرهنګ دودولو په موخه نن د وږي په ۱۳ نیټه د بایسکیل ځغلونې غرنیزه سیالۍ ترسره شوه. د بایسکیل ځغلونې ملي فدراسیون مشر احمد افضلي د یادې سیالۍ موخه لوبو ته وده ورکول او له دې لارې د مخکښو لوبغاړو معرفي یاده کړه. په یاده سیالۍ کې ۲۵ لوبغاړو له کابل او بامیان ولایت څخه برخه اخیستې وه او د ۳۹ کیلومتره واټن مزل کولو لپاره یې په خپل مینځ کې سيالي وکړه،چې له ډلې یې ۵ تنو د بایسکیل ځغلولو غرنیز ملي ټیم ته لاره پیدا کړه. دا سیالۍ به د کابل ولایت سربیره په نورو ولایتونو کې هم ترسره شي. په ورته وخت کې د کابل ښار د ۱۴ ناحیې سرپرست رئیس اخترمحمد سمیع وویل چې، د یادې سیمې په نورو غونډیو کې به هم د بایسکیل ځغلولو غرنیزې سیالۍ لپاره لازم چمتوالۍ ونیسي.
