د کابل ښاروالۍ د کار ساتنې او څارنې ریاست د قلعه زمان خان د ۶۰ متره سړک د لومړي لاس قیر اچونې کار پيل کړ. د کابل ښاروالۍ د کار، ساتنې او څارنې ریاست رییس محمد انور فطرت په دې اړه وویل چې د دغه سړک د یوه کیلومتر برخې د قیر کولو لپاره چمتووالی نیول شوی دی او له دې سره هممهاله د دغه سړک د پاتې برخو د لاندیني ساختمان کار دوام لري او هڅه کوو چې د یخنۍ موسم تر رارسېدو به د دغه سړک اصلي کرښې ونښلوو.
