د ګذر وکیلانو ټاکنو د روښانتیا او شفافیت په موخه د وږي میاشتې په ۲۵ مه د کابل او ښاروالۍ او د ټاکنو څارونکو بنسټونو ترمنځ هوکړه لیک لاسلیک شو. یاد هوکړه لیک د کابل ښاروالۍ د ټولنیزو او کلتوري چارو معین سرڅیړونکي محمد فاضل شریفي او فیفا د رئیس محمدیوسف رشید او CECG د سکرتر مسئول ترمنځ لاسلیک شو. د ټولنیزو او کلتوري چارو معین ښاغلي شریفي وویل چې، کابل ښاروالۍ د ښاري چارو ښه تنظیم او ګذر وکیلانو ټاکنو د شفاف ترسره کیدو په موخه تصمیم ونیو ،چې د ولسمشر له لارښوونې سره سم چې په وینا یې د ګذر وکیلان باید د شفافو رايو په پایله کې وټاکل شي، دا هوکړه لیک لاسلیک کړي. نوموړي زیاته کړه چې، د یاد هوکړه لیک پر بنسټ به د ګذر وکیلانو پر ټاکنو د خلکو بارو زیات شي او دغه راز د هوکړه لیک له مخې به د څارونکو بنسټونو له مسلکي تجربو څخه د ټاکنو په ترسره کیدو کې کار واخیستل شي .
