د کابل ښار د فاضله اوبو د تنظیمولو په موخه، د کابل ښاروال محمد داود سلطانزوی او د المان په مالي مرسته د(BORDA) موسسې چارواکو تر منځ د یوې غونډې په ترڅ کې د ښار په کچه ودانیو کې د فاضله اوبو د سیستم په جوړولو بحث وکړ. کابل ښاروال د دې موسسې چارواکو لخوا وړاندې شوی د فاضله اوبو د غیر منظم سیستم پلان ارزولو وروسته وویل! کابل کې د فاضله اوبو اوسنی وضیعت د منلو وړ نه دی. او د دې ستونزې د حل لپاره یې د (BORDA) موسسې څخه د کابل ښاروالۍ سره د تخنیکي همکارۍ غوښتنه وکړه. کابل ښاروال د دې ادارې اړوندو څانګو ته ټینګار وکړ چې د کابل ښار د فاضله اوبو ماسټر پلان به ډېر ژر بشپړ شي. او له وړاندیز شویو پلانونو څخه به ګټه واخیستل شي.
