د یکشنبه د وږي په ۳۰مه د کابل ښاروالۍ د نشراتو او عامه پوهاوي ریاست او کابل ښاروالۍ سره ملاتړې پروژې له لورې د ښځو د معلوماتو او تجربو شریکولو په موخه په نهمه ناحیه کې د پوهاوي پروګرام جوړ شو. په دې پروګرام کې د کورنیو د اوبو او کثافاتو په مدیریت کې د ښځو ونډه او د پلاستیک د زیانونو په اړه معلومات وړاندې شول. د دې تر څنګ د کثافاتو د تولید په کمولو کې د ښځو هڅول هم په دې پروګرام کې شامل وو. په پای کې د نوموړې ناحیې رئیس او ګډونوالو د داسې برنامو جوړول، د ښاري فرهنګ په پراختیا او د ښځو همکارۍ په جلبولو کې ګټور وبلل.
