کابل ښاروال محمد داود سلطانزوی د شنبه په ورځ د تلې په ۵مه د کابل ښاروالۍ د څلورمې ناحیې له اداري دفترونو څخه څارنه وکړه. کابل ښاروال په دې څارنه کې اړونده چارواکو ته لارښوونه وکړه تر څو دښار په کچه بېلابېلو بازارونو کې ښاري نظم پلی کړي. د دې تر څنګ هغه ټینګار وکړ چې د پرمختللو پروګرامونو پر بنسټ باید ټول اصناف په ښاري اصولو تنظیم کړی شي او د سرغړونې په صورت کې به قانوني چلند ورسره وشي. کابل ښاروال وویل،چې مونږ د ښار په کچه د ناحیو د پرمختیا په لټه کې یو تر څو ښاریانو ته ښه او اغېزناک خدمتونه وړاندې کړو. کابل ښاروال د یادې ناحیې د اداري دفترونو د مراجعینو رضایت او د کارکوونکو د مسؤلیتونو کچه هم وارزوله او هغوی ته یې په چارو کې د همغږۍ او خدمتونو د پراخولو لپاره لازمې لارښوونې وکړې.
