د کابل ښاروالۍ او د چاپیریال ساتنې ملي ادارې ترمنځ نن د تلې په ۶ نېته د هواککړتیا څخه د مخینوي په موخه د مکانیزم جوړولو لپاره غونډه ترسره شوه. کابل ښاروال محمد داود سلطانزوی او د چاپیریال ساتنې ملي ادارې رئیس شازمان میوندي او د بیلابیلو ادارو د رئیسانو او بنسټونو د استازو په ګډون د هوا ککړتیا د مخینوي په موخه پر علمي مکانیزم جوړولو خبرې وشوې او لازم تصمیمونه ونیول شول. په غونډه کې تاکید وشو، چې د ادارو ترمنځ په پوره همغږۍ به د هواککړتیا پر اساسي سرچینو څارنه کیږي او په کابل کې د هوا ککړتیا پر عواملو بحث وشو.
