کابل ښاروال محمد داود سلطانزوی له دارلامان واټ څخه د لیدنې په ترڅ کې دیاد واټ د ښکلا او زرغونتیا ډیریدو او د اوبو نل لیکو، سړکونو جدولونو، تیږې فرش، ترافیکي نښو نصبولو،کرښو اچونې، چمن کارۍ،او د ونو بوټو کینولو په موخه لیدنه وکړه او اړوندو څانګو ته یې ځانګړې لارښوونې وکړې. ښاغلي سلطانزوی د لیدنې په ترڅ کې وویل چې، غواړي په غوره اقداماتو سره د فرهنګ جوړونې او دې برخې ته په پاملرنې سره خلکو ته د هیودانۍ مینې روحیه ورکړي او له رواني اړخه خلکو ته ښه حس ورکړي. نوموړي دغه راز وویل چې د کابل ښار ښکلا په موخه به یو په بل پسې ښې چارې ترسره کړي. کابل ښاروال وویل چې، ښاریان باید له ښاري تاسیساتو ښه ګټه پوره کړي او ساتنه یې وکړي.
