د سپتمبر ۲۸ مه برابره ده له لیوني سپي ناروغی سره د مبارزې له نړیوالې ورځې سره ، کابل ښاروالۍ دا ورځ د تلې په ۷ مه د کابل ښاروالۍ ، کرنې او اوبولګولو وزارت، روغتیا وزارت، کابل پوهنتون او (Animal Home) دفتر د مسئولینو په ګډون د کرنې او اوبو لګولو وزارت د حیواني روغتیا په ریاست کې ونمانخله . په غونډه کې د ادارو استازو په خپل وار د ارجايي سپیانو د واکسین او دغه راز د (Animal Home)) دفتر په مرسته د لیوني سپي ناروغۍ د واکسین د تطبیق په اړه خبرې وکړې. د ۲۰۱۷ کال راپدیخوا تر اوسه د لیونیو سپیو واکسین کولو پروګرام د کابل ښار په بیلابیلو ناحیو کې پلی کړی او تر اوسه له ۵۰ زره زیات لیوني سپي واکسین شوي او لاهم دا پروګرام دوام لري. د سپیو عقیم کولو په برخه کې له تیر کال راهسې کار پیل شوی څو د هغوی د نسل له ډیریدو مخنیوی وشي، چې تر اوسه ۱۰ زره سپي عقیم شوي دي. په غونډه کې ویناوالو د لیوني سپي ناروغۍ څخه د مخینوي په موخه د بیلابیلو ادارو ترمنځ پر همغږۍ او د لیوني سپي د واکسین پر تطبیق خبرې وکړې او خپل راتلونکي پروګرامونه یې وړاندې کړل.
