د دولسمې ناحیې اړوند احمدشاه بابا مینې په آتم بلاک کې د ښځینه پارک د رغونې چارې بشپړې او یکشنبه په ورځ د تلې میاشتې په ۱۳ نېټه د کابل ښاروال ښاغلي محمد داود سلطانزوی او د یادې ناحیې د مشرانو او اوسیدونکو له لوري او ګټې اخیستنې ته وړاندې شو. په همدې موخه جوړو مراسمو کې کابل ښاروال د خوشحالۍ څرګندولو ترڅنګ د یادې سیمې له اوسیدونکو وغوښتل چې له پارک څخه سمه ګټه پورته کړي او د شنې ساحې په ساتلو کې د یو ښه ښاري په توګه خپله دیني وجیبه ادا کړي. کابل ښاروال وویل چې، د دې پارک اصلي مالکان د سیمې اوسیدونکي دي او کابل ښاروالي پرته د دوی له مرستې نشي کولای په سمه توګه د پارک زرغونه سیمه وساتي. یاد پارک د ټولټال ۵۰۲۲ متر مربع په اوږدوالي په معیاري او مډرنه توګه د ۹۲۲۷۴ ډالرو په ارزښت د کابل ښاروالۍ له لوري د هبیتات دفتر په مالي مرسته د یو کال په موده کې جوړ شوی دی. دغه راز یاد پارک د احاطې په ګډون ، د پلو لارو تیږې فرش، سیوري ځای، چوکیو، د خړوب لپاره د اوبو څاه، سولري بریښنا، د ساتونکو خونې، چمن کارۍ او د لوبو په وسایلو سمبال دی ، چې په جوړیدو به یې دسیمې اوسیدونکي له تفریحي او چاپیریالي اسانتیاوو برخمن شي.
