د کابل ښاروالۍ په وړاندیز او د ولسمشرۍ ماڼۍ محترم مقام په منظورۍ، په دویم بست کې د ۲۲ ناحیې د رئیس په توګه امیرزیب درانۍ او په دویم بست کې د ۷ ناحیې د مرستیال په توګه عبدالقادر هوتخیل ټاکل شوي او نن رسما د کابل ښاروالۍ د مالي او اداري چارو مرستیال ښاغلي نظیف الله قلندرزي له لوري همکارانو ته ور وپیژندل شو. په مراسمو کې د کابل ښاروالۍ مالي او اداري مرستیال ښاغلي نظیف الله قلندرزي وویل چې، دواړه مسئولین د لوړو زده کړو او کافي کاري تجربې له کبله په یادو دندو ګمارل شوي دي. نوموړي زیاته کړه چې، د دواړو ناحیو د روان وضعیت ښه والي او معیاري خدمتونو وړاندې کولو په برخه کې به کوټلي ګامونه پورته شي، څو شته ستونزې له منځه لاړې شي او د یادې ناحیې اوسیدونکو ته چاپیریالي اسانتیاوې برابرې شي.
