کابل ښاروال محمد داود سلطانزوی د سه شنبه د تلې په ۲۲ نېټه د شپږمې ناحیې اړوند له یو شمیر رضاکاره ځوانانو سره د غږیزې ککړتیا د مخنیوي او ورسره د مبارزې په موخه خبرې اترې وکړې. کابل ښاروال د یادو ځوانانو د آماده ګی په اړه وویل چې، غږیزه ککړتیا د انسانانو او نورو موجوداتو د روغتیا لپاره مضره او خطرناکه ده او د نه اوریدو او عصبي ناراحتۍ سبب ګرځي. کابل ښاروال دغه ځوانان وهڅول څو، په بیلابیلو ناحیو کې له یادې ادارې سره همکاري وکړي څو په لویه کچه له غږیزې ککړتیا مخنیوی وشي او له سرغړونکو سره قانوني چلند ترسره شي.
