د کابل ښاروالۍ له لوري د ګذر وکیلانو ټاکلو پروسه د نوې مقررې له مخې د کابل ښار په کچه په پوره شفافیت روانه ده. په وروستیو کې کې د اتمې ناحیې دویم ګذر لپاره د ټاکنیزو څارونکو بنسټونو تر څارنې لاندې حاجي محمد د نورو نوماندانو په پرتله د سیمې د ۲۲۹ کسانو شفافو رایې په اخیستو نوی وکیل وټاکل شو. د ګذر وکیلانو پروسه لومړی په دریو پړاونو کې په هغه ناحیو کې ترسره کیږي چې، د ګذر وکیلان یې مړه شوي وي یا یې له دندې استعفا ورکړې وي او یا هم د سیمې خلک ترې شکایت لري. دا پروسه روانه ده او د کابل ښار په ټولو ۲۲ ناحیو کې به د ګذر وکیلانو ټاکنې ترسره شي.
