تیره شپه کابل ښاروالۍ له کابل پولیسو سره په همغږۍ د یو لړ ځانګړو ګډو عملیاتو په ترڅ کې له سرای غزني سیمې غیر قانوني غرفې راټولې او غیر قانوني تاسیسات نړول. دا سیمه چې له کلونو را وروسته په لومړي ځل د قانون حاکمیت په موخه د خلکو او حکومت د ګډې ارادې له مخې له خنډونو پاکه شوه. د ښاري نظم او ګڼې ګونې موارد چې د ښاري بې نظمۍ سبب ګرځي د ځانګړو حمایوي او تقویتي عملیاتو په ترڅ کې په بیلابیلو پړاونو کې له منځه وړل کیږي او راټولیږي.
