کابل ښاروالي د ښاري نظم او امنیتي میثاق د پلي کیدو په موخه ۱۰۰ کسانو ته د لنډمهال شغل لپاره د دندې زمینه برابره کړه. د امنیتي میثاق او ښاري نظم پلانونو د ښه او غوره تطبیق په موخه ، کابل ښاروالي یاد ۱۰۰ کسان د یوې میاشتې لپاره د ورځ مزد په بدل کې ګماري او دوی ته یې د لنډمهالو شغلونو زمینه برابره کړې ده. دا کسان به له پلو لارو خنډونه پاکوي او د کابل ښاروالۍ له نورو کارکوونکو سره به د نوور غیر قانوني تاسیساتو په لرې کولو او نړولو کې مرسته کوي، د اړتیا له مخې یې قراردادونه نور هم غځیدلی شي.
