کابل ښاروال محمد داود سلطانزوی د کابل ښار د دریمې ناحیې اړوند سرای غزني سیمه کې د ښاري نظم عملیاتي پلان له تطبیق کیدو ورسته سیمه ولیده او دغه راز د علي اباد روغتون شاوخوا سیمه کې یې د یاد پروګرام د تطبیق له جریان څخه لیدنه وکړه. کابل ښاروال دغه راز کارته سخي سیمې ته نیږدې د تشنابونو اړتیا حس کړه او په جوړولو یې تاکید وکړ. نوموړي دغه راز اړوند څانګو ته لارښونه وکړه چې د ښاروالۍ پروګرامونه په سمه توګه پلي کړي او ښاریانو ته لا ډیرې اسانتیاوې برابرې کړي.
