کابل ښاروالۍ دیادې ادارې د ملاتړ پروژې په مرسته، د ښاري فرهنګ د بنسټیز کولو او د فردي او ټولنیز مسئولیت پیژندلو په موخه د ښار په ښوونځیو کې د عامه پوهاوي پروګرام پلی کړ. د یادو ښوونځیو زده کوونکو ته په ځانګړې توګه د هوا له ککړتیا څخه د مخنیوي، په ځانګړو ځایونو کې د کثافاتو اچولو،له ښاري اصولو او قوانینو سره د بلدتیا او له ښاري تاسیساتو د ګټې اخیستنې په اړوند عامه پوهاوی ورکړل شو، څو ښاریان د ښار پر وړاندې د مسئولیت احساس وکړي. د یادونې وړ ده چې په دې پروګرامونو کې د عامه پوهاوي اړوند یو شمیر پوسټر او ماسکونه په زده کوونکو وویشل شول او دا پروګرام به د ښار په نورو ښوونځیو کې هم پلی شي.
