د ښاري نظم عملیاتي پلان د تطبیق پر دوام، له سړکونو او پلو لارو د حکمي او حقیقي اشخاصو له لوري د ایښودل شوو کانګریتي دیوالونو او نور خنډونو په لرې کولو کار پیل شو، چې په همدې لړ کې د وزیر محمد اکبر خان مینې ۱۵ سړک ته غځیدلې هغه لارې له کانګریټي دیوالونو او نورو خنډونو پاکې شوې،چې د ډیرو کلونو را پدیخوا د ترافیکو پر مخ تړلې وې. دغه راز د وزیر محمد اکبرخان ۱۵ سړک دواړه خواوې او نښلونکې لارې هم له تیږو او کانګریتي دیوالونو پاکې شوې. ورته مهال د تیرو لسو کلونو راپدیخوا د غنضنفر بانک تر څنګ لاره چې د کانګریتي دیوالونو په واسطه د ترافیکو پر مخ تړلی وه، کانګریتي دیوالونه یې ونړول شول او لاره د ترافیکو پر مخ پرانیستل شوه. د یادونې وړ ده چې،دا پروګرام په نورو بندو لارو او سړکونو کې هم پلی کیږي.
