کابل ښاروال محمد داود سلطانزوی د چهار شنبه د کابل ښاروالۍ دغونډو په تالار کې له یو شمیر مراجعینو سره د هغوی ستونزو ته د رسیدو په موخه لیدنه وکړه . کابل ښاروال په یاده لیدنه کې وویل ، چې د اسنادو پړاونه له دې وروسته په تیزۍ ترسره کیږي او د خلکو د ستونزو حل زما دنده ده چې د امکان تر کچې به ورته رسیږم. کابل ښاروال وویل، چې ښاري نظم د قانون د حاکمیت ښکارندويي کوي او ټولنیزه او چاپیریالي هوساینه رامنځ ته کوي. نوموړي ټینګار وکړ چې د پرمختللي ښار رامنځ ته کیدل د ښاریانو او مسئولینو د مسئولیت په حس او قانونمندۍ پورې اړه لري او اړینه ده د پایدار ښار رامنځ ته کیدو په موخه خپلو فردي او ټولنیزو مسئولیتونو ته پاملرنه وکړو.
