یاد کانال د ۱۵، ۱۷، ۱۱، ۱۰، ۴ او ۲ مې ناحیې ډیری برخه سطحي اوبه لیږدوي، چې له بده مرغه په ډیره بده توګه د یو شمیر ښاريانو له لوري پکې د کثافاتو اچولو له امله په ځانګړې توګه د هوايي ډګر شاته ( ترکانو کمپ) او کورنیو چارو وزارت کې د سطحي اوبو پر مخ بند وو او د بیا خلاصولو په موخه یې د کابل ښاروالۍ له لوري کار پیل شوی دی . هیله کیږي چې کابل ښاریان ځانګړې توګه د کانال شاوخوا استوګن ښاریان به له دې وروسته د کانال په پاک ساتلو کې مرسته کوي او کثافات به پکې نه اچوي ، ځکه د دې کانال، د اوبو لښتیو، او نورو نښلوونکو کانالونو په پاکولو د کابل ښاروالۍ لوی مالي او بشري مصرف شوې او اوس مهال هم د کابل ښاروالۍ پرسونل او ماشینري د دې لوی کانال په پاکولو مصروف دي.
