د ښاري نظم راوستو د قانون تنفیذ او ښاري اصولو د تطبیق په موخه د کابل ښاروالۍ د رهبرۍ غونډه د کابل ښاروال محمد داود سلطانزوی په مشرۍ، د ۲۲ ناحیو د رئیسانو په ګډون ترسره شوه. په غونډه کې د ښاري نظم عملیاتي پلان پر بنسټ د ترسره شوو کړنو د ارزونې سربیره، د فعالیتونو پر ګټورتیا بحث او خبرې وشوې او مسئولانو ته یې د غصب شوو ځمکو، له خپلسریو د مخنیوي، د بازارونو تنظیم او ښاري نظم نورو مسایلو په اړوند ځانګړې لارښوونې او ټینګار وکړ. کابل ښاروال دغه راز وویل، اړینه تاسو هر یو په خپلو دندو کې هیوادنۍ مینه او د مسئولیت احساس په پام کې ونیسی او د لاسي توکو پلورونکو اوګرځنده کراچیو لپاره مناسب ځای وټاکئ او د ثبت او بایومتریک په اړه یې جدي اقدام وکړئ. نوموړي وویل چې له سرغړونکو او له هغه کسانو سره چې د ښاري بې نظمۍ سبب ګرځي، ورسره جدي قانوني چلند وکړئ. نوموړي دغه راز د ګڼې ګوڼې کموالي،د ښاري بې نظمیو له منځه وړلو او عایداتي سرچینو په اړوند مسئولانو ته لازمې لارښونې وکړې. کابل ښاروال د عملیاتي مکانیزمونو په اړه لازمې لازمې لارښوونې وکړې،څو هر ژر په خپلو چارو کې مثبت تغیر راولي.
