د کابل ښاروالۍ له لوري د لیسه مریم په سیمه کې، له پارک ګولايي تر خشت هوختیف پورې د عملیاتي پلان له تطبیق وروسته تنظیفي حشر ترسره شو چې، په پایله کې یې د ناقانونه تاسیساتو،غرفو،کپو او نورو خنډونو له امله رامنځ ته شوي کثافات راټول او ځانګړي ځای ته ولیږدول شول. کابل ښاروالي د ښاري نظم او ښکلا په موخه هڅه کوي، د خلکو په رواني دید او ښاري ژوند کې غوره او ګټور بدلون راولي،چې ډیری ښاریان ورته سترګې په لاره دي. د ښار په بڼه او نظم کې بدلون راوستل هغه څه دي چې، خلک یې له پخوا هیله لري او په نیږدې وخت کې به یې دا هیله پوره شي.
