کابل ښاروالي له هغه کسانو سره چې د جنګلک په سیمه کې یې ونې پرې کړې دي او ښاري سرغړونه یې ترسره کړې ده، جدي قانوني چلند کوي. د اوومې ناحیې اړوند د جنګلک سړک له ګلدان یو شمیر کسانو له ۱۰ تر ۱۴ کلونو عمر لرونکې اصلي ونې پرې کړې دي او موضوع تر څیړنې لاندې ده . د داسې سرغړونې تاوان پرې کولو په موخه سرغړونکي مکلف دي د ښار او کور جوړونې قانون د اتلسمې مادې پنځم بند له مخې اصلي بڼې ته په کتو څلور چنده نغدي جریمه پرې کړي. سرغړونکي مکلف دي له محاسبې وروسته کابل ښاروالۍ ته تاوان ورکړي. کابل ښاروالي د قانون تطبیق کولو او ورته سرغړونو ته رسیدنه لومړیتوب ګڼي، څو په ټولو قانون یو ډول تطبیق شي او د داسې سرغړونو له بیا ځلي تکرار مخنیوی وشي.
