د اور لګیدنې خطر په لوړپوزیزو ودانیو،هټیو او لیږدونکو وسایلو کې د اور سوځیدنې ضد بالونونو د نشتوالي له امله رامنځ ته کیږي. په داسې ځایونو کې اور لګېدنه نه جبران کیدونکي زیانونه زیږوي. دې ته په کتو چې ځان او ټولنې ته زیان ونه رسو او د انساني ناورین سبب ونه ګرځو او د اور لګیدنې د خطر باعث نشو، اړینه ده د اوسیدو په هر ځآی کې په ځانګړې توګه لوړپوړیزو ودانیو، دوکانونو او نورو عمومي ځایونو کې د اور لګیدنې د خنثی کولو له وسایلو ګټه پورته کړو. د اور لګیدنې لومړی نښه دود او حرارت دی، له همدې کبله د اور لګیدنې د کشف لپاره اړینه ده هر یو مسئولیت ادا کړو او د اور لګیدنې ضد بالونونه و کاروو. په کورونو، موټرونو او نورو عمومي ځایونو کې د اور لګیدنې له حریق ضد وسایلو او بالونونو ګټه اخیستل به د اور لګیدنې په پایله کې رامنځ ته کیدونکي زیانونه کم کړي.