د کابل ښاروالۍ له لوري د ګذر وکالت د نوې مقررې له مخې د شپږمې ناحیې اړوند د دریمې کارتې په لومړي ګذر کې د یاد ګذر د وکالت لپاره شفافې ټاکنې ترسره شوې. د ټاکنو په پایله کې احسان الله اخنزاده د خلکو د ۱۷۳ رڼو رایو په ترلاسه کولو سره د یادې ناحیې د لومړي ګذر د وکیل په ټوګه وټاکل شو. کابل ښاروالي د ګذر وکیلانو ټاکنو پروسه په دریو پړاونو کې تطبیقوي او لومړی په هغه ناحیو کې د ګذر وکالت لپاره ټاکنې ترسره کیږي چې وکیل یې مړ وي، له دندې یې استعفا ورکړې وې او خلک ترې شکایت ولري او وروسته به دا لړۍ په نورو ناحیو کې هم تطبیق شي.
