د شپږمې ناحیې اړوند د دریمې کارتې په سیمه کې د کاتب پوهنتون مسئولانو خپل اړوند کانګریټي دیوالونه چې، د لارې بندیدو سبب ګرځیدل خپله تنظیم کړل،چې کابل ښاروالي د پوهنتون د مسئولانو دا کار ستایي او پکار ده ټول ښاریان په دې برخه کې له کابل ښاروالۍ سره همکاري وکړي. له نیکمرغه تر دې دمه لسګونه او پلې لارې د دریمې کارتې په سیمه کې له خنډونو پاکې شوې دي او دا لړۍ روانه ده. له دې کبله غوره ده،چې له اړتیا پرته په سړکونو او پلو لارو کې د کانګریټي دیوالونو د بندیدو سبب ونه ګرځو او که مو ایښي وي پخپله یې د لرې کولو په اړه اقدام وکړو. سړکونه او پلې لارې عام ملکیتونه دي چې په ټولو ښاریانو پورې اړه لري او د یو شمیر ښاریانو له لوري یې بندول ناقانونه کړنه ده. د سړکونو او پلو لارو په خلاصیدو سره به په نیږدې راتلونکې کې په اقتصادي او امنیتي برخه کې د غوره مثبت تغیر شاهدان و اوسو.
