د کابل ښاروالۍ له لوري په پلو لارو کې د دیوالونو لرې کولو په اړه هرات رستورانت ته تر لیک لیږلو وروسته د یاد رستورانت مسئولانو کابل ښاروالۍ ته د یو لیک په ترڅ کې د درنښت وړاندې کولو سربیره په دیوالونو لرې کولو په اړه اقدام کړی. د رستورانت مسئولانو په پلې لار کې خپل کانګریټي دیوالونه لرې کړي،پلې لارې یې کانګریټ کړې او د دې لپاره چې غوره ښاري نما جوړه شي د رستورانټ شاته برخه په ښیښو پوښي. کابل ښاروالي د رسټورانټ د مالک دا پر ځای اقدام ستايي او له نورو ښاریانو هم هیله لري څو په دې برخه کې له کابل ښاروالۍ سره مرسته وکړي.
