۶۵ هغه نویو زرنج وسایطو چې مخکې یې له ښاروالۍ څخه د ملاتړ پروژې( اروپايي ټولنې) ته وړاندیز شوی وو، وپیرل شول او تیره ورځ د لیندۍ په ۳۰ د یو لړ ځانګړو مراسمو په ترڅ کې د ښاري پاکۍ په موخه په بیلابیلو سیمو کې وګمارل شول. د تسلیم کیدو په مراسمو کې د کابل ښاروالۍ د ښاري او چاپیریالي خدمتونو مرستیالې اغلې ډاکتر مهتاب عالمي او له کابل ښاروالۍ څخه د اروپايي ټولنې د ملاتړ پروژې سرپرست ښاغلي نصرالله علم ګډون درلود. په یادو مراسمو کې د کابل ښاروالۍ د ښاري او چاپیریالي خدمتونو مرستیالې وویل چې، د یادو نویو وسایلو په فعالیت سره به هره ورځ له ښار څخه د کثافاتو د لیږد کچه زیاته شي او د کثافاتو د لیږد په ځانګړې توګه د سیمو د پاکۍ په برخه کې به د ظرفیت لوړاوي کچه لوړه شي.
