د مکرویانو د ساتنې او مراقبت تصدۍ اړوند ځمکې، چې د یو شمیر اشخاصو په لاس کې وې او له هغه څخه سمه ګټه نه اخیستل کیده، بیرته راوګرځول شوې. د څلورمو مکرویانو په سیمه کې د ۶۴۰۰ متر مربع په اوږدوالي یوه ټوټه ځمکه، چې ډیره موده ترې یو شمیر اشخاصو په خپله ګټه کار اخیسته، بیرته را وګرځول شوه او اوس مهال د مکرویانو د ساتنې تصدۍ په واک کې ده، چې د پلانونو او طرحو له مخې به ترې کابل ښاروالۍ ډیره او غوره ګټه پورته کړي. د یادې تصدۍ د تمویل له سرچینو، هټۍ، ځمکې او د مکرویانو اړوند مارکیټونه دي، چې د دې تصدۍ د پرځان بساینې او غوره ګټې اخیستنې په موخه یو شمیر نوي پروګرامونه ترلاسه لاندې دي او پلي کیږي، څو د تصدۍ د شته پانګې له بې ځایه لګونې څخه مخنیوی وشي. د اشخاصو له لوري د یادې تصدۍ له ملکیتونه څخه بغیر له قانوني مبنا د کرایې اخیستنې موضوع هم تر ارزونې لاندې ده که ډیر ژر به ورته رسیدنه وشي.
