د اتمې ناحیې اړوند د کابل- سویل سړک په دویم فاز د خنډونو لرې کار له بنی حصار د کابل سویل لویې لارې پر لوري پیل شو. دا کار د سیمې له اوسیدونکو سره د کابل ښاروالۍ تر پرلپسې خبرو اترو او ملکیتونو د حقونو تر تامیت وروسته د دویم سړک د جوړولو په موخه پیل شو. د خنډونو په لرې کیدو به د کابل-سویل لويې لارې د ۳ کیلو مترو دویم سړک رغونې ته زمینه برابره شي. د پاکولو په عملیاتو کې د لسګونو دوکانونو،۳۵ هټیو او دریو باغونو نړول شامل دي،چې مالکانو یې حقوق څه موده وړاندې له کابل ښاروالۍ څخه ترلاسه کړي دي. د کابل د معیاري او اقتصادي ودې په موخه له پډولې دښتې تر چهار اسیاب او د قول حشمت خان په سیمه کې د ملي پارک نښلونکي سړکونه هم په راتلونکو پلانونو کې شامل دي .
