د دریمې ناحیې اړوند د سترجنرال جمعه خان همدرد اړوند کانګریټي خنډونه په کمه کچه تنظیم شوي دي، خو لا یې هم د سړکونو یو شمیر برخې بندې کړې دي. هغه کسان چې په بیلابیلو ناحیو کې د کانګریټي دیوالونو په وسیله د پلو لارو او سړکونو د بندیدو سبب ګرځیدلي، غوره ده خپله یې د تنظیم او نړولو په موخه اقدام وکړي او خپل اړوند کانګریټي دیوالونه خپلو ملکیتونو ته و لیږدوي، له دې پرته یې ناقانونه او له ښاري اصولو سره په ټکر کې کانګریټي دېوالونو ته رسیدنه کیږي؛ اړینه ده ټول ښاریان په دې برخه کې له کابل ښاروالۍ سره همکار و اوسي. د یادونې وړ ده چې پلې لارې او سړکونه عام ملکیتونه دي او په ټولو ښاریانو پورې اړه لري، د بندو سړکونو په خلاصیدو سره به ډیر ژر په سوداګریزو او امنیتي برخو کې د غوره تغیر شاهدان و اوسو.