له بې نظمو د سیمو د پاکوالي په لړ کې د مرغومې په ۱۵ نېټه د لسمې ناحیې اړوند په شیرپور سیمه کې د ښاري نظم عملیاتي پلان تطبیق شو. په دې لړ کې د هټیو مخې ته ناقانونه رغونې،کپې او نور خنډونه له پلو لارو او سړکونو پاک شول. له ملکیتونو د سمې ګټې اخیستنې په موخه به دا پلان د حمایوي او تقویتي پروګرمونو په ترسره کولو سره دوام ومومي. کابل ښاروالۍ له فعالیت کوونکو او هټیوالو سره له مخکې خبرې کړې دي،څو هر څه ژر خپل فعالیتونه منظم کړي او د سالم چاپیریال او ښاري نظم په راتګ کې له کابل ښاروالۍ سره همکار و اوسي. له ملکیتونو په سمه ګټه اخیستنه،بوختیاوو موندلو،برابرې ودې،له سړکونو او پلو لارو په سمه ګټه اخیستنه کې د ټولو ښاریانو همکاري اړینه ده. د یادونې وړ ده چې په یادو سیمو کې د خنډونو تر پاکولو وروسته پلې لارې او سړکونه د ټولو ښاریانو د تګ راتګ پر وړاندې پرانیستل شوي دي.
