ښاري اړتیاو ته په کتو او د اسانتیاو رامنځته کولو په موخه،کابل ښاروالي د ۴۰ تشنابونو د بیارغونې سربیره د کابل ښار په کچه نوي ښاري تشنابونه جوړوي. په وروستیو کې د کابل ښاروالۍ تخنیکي ټیم د ښاري تشنابونو په اړه خپله سروې وروستی کړې ده چې په هغه کې د تشنابونو په اړه نوي پلانونه او پروګرامونه تر لاسه لاندې نیول شوي دي. د نوي ښار پاک او یو شمیر نورو سیمو د بیارغونې کار ترلاس لاندې دی او ډیر ژر به ګټې اخیستنې ته وړاندې شي. یاد تشنابونه د عصري معیارونو په نظر کې نیول سره، د صحي اوبو او فاضله موادو د څاګانو سیستم، د نویو وسایلو په نصب او د ودانیو رنګول په بر کې نیسسي چې په اساسي توګه به یې چارې یو پربل پسې بشپړې شي. د ښاریانو د غوښتنې او ټولنیزو اړتیا له مخې د ښار په بیلابیلو سیمو کې د تشنابونو پر جوړولو هم اقدام کیږي. له یادو تشنابونو سیمه ګټه اخیستنه او پاک ساتل یې د ټولو ښاریانو دنده ده.
