کابل ښاروالي د ښاریانو لپاره د ټولنیزو غوره خدمتونو د وړاندې کولو په موخه د ۱۴ فاتحې لوستلو سالونونو د بیارغونې سربیره د کابل په بېلابیلو سیمو کې نوي د فاتحې لوستلو سالونونه جوړوي. په وروستیو کې په دې اړه د کابل ښاروالۍ د تخنیکي ټیم له لوري په دقیقه توګه سروې ترسره شوې،چې د بیارغونې پلانونه هم پکې شامل دي. دغه راز د نوي ښار پارک او بي بي مهرو د فاتحې لوستلو د سالونونو کارونه بشپړ شوي او ګټې اخیستنې ته وړاندې شوي دي او په یو شمیر نورو سیمو کې یې هم چارې د بشپړیدو په حال کې دي. دا سالونونه د روغتیايي اصولو او سپارښتنو په نظر کې نیولو سره، د اړوندو تشنابونو چای خوړلو ځایونو بیارغول او د سالونونو رنګول په بر کې نیسي چې یو په بل پسې به یې چارې بشپړې شي. ټولنیزو اړتیاو او ښاریانو ستونزو ته په کتو د ښار په نورو برخو کې هم په دې اړه اقدام کیږي. له یادو سالونونو سمه ګټه اخیستنه او پاک ساتل د ټولو ښاریانو ټولنیز مسئولیت دی.
