د کابل ښاروالۍ مسئولانو له ککړې هوا څخه د مخنیوي په موخه په ۱۲ او ۲۲ مه ناحیه کې په لوړپوړیزو ودانیزو کې د دود فلتر د نصب له څرنګوالي څخه څارنه وکړه. په ډیرو څارل شوو لوړپوړیزو ودانیو کې د دود فلتر نصب وو او یو شمیر یې بیا نه وو نصب کړي چې جریمه شول او ودانۍ یې وتړل شوې. کابل ښاروالي د پلان له مخې په دوامداره توګه په لوړپوړیزو ودانیو، ښارګوټو، هوټلونو، رسټورانتونو، حمامونو او د سونا په حضونو کې له مرکز ګرمیو او نورو ګرم کوونکو وسایلو څخه چاپیریالي څارنه او څیړنه کوي.
