د ښاري نظم د تحقق په موخه مخکې ټولو ښاریانو ته خبر ورکړل شوی وو،چې د هټیو مخې ته او په خپلو لوحو کې د تابوتونو له نندارې ډډه وکړي. کابل ښاروالۍ له څه مودې راپدیخوا د تابوت خرڅونکو سرغړونو ته د رسیدنې په موخه کار پیل کړی دی او دا لړۍ روانه ده. د یادونې وړ ده چې،تابوت خرڅونکي حق لري یوازې په خپلو لوحو کې ولیکي(د تدفین خدمتونه) او نورې کلېمې لیکل پکې منع دي. له دې وروسته د سرغړونې لیدلو په صورت کې سرغړونکي د قانون له مخې جریمه او تادیب کیږي.
