د کابل ښاروالۍ د مسئولانو د څیړنو له مخې د لومړی ناحیې اړوند سیمه کې د ملي امنیت د حوزې له لوري تر پیژندلو وروسته د خرابو او تیروخته چرګ غوښو یو ګدام وموندل شو او بازار ته له وړاندې کولو یې مخنیوی وشو. په یاد ګدام کې له ۱۸۰۰ کلیو ګرامه ډیره خرابه د چرګ غوښه وه چې اوس مهال ظبط شوې او ټاکل شوې ده ډیر ژر له ښاره لرې په یوه سیمه کې خښه شي. دا ګدام د ملي امنیت د پرسونلو په شتون کې بند شو. ټاکل شوې وه دا خرابه غوښه د خوراکي توکو د یو شمیر پلورونکو له لوري په پل خشتي چوک سیمه کې په ارزان قیمت وپلورل شي. یاد ګدام کهنه فروشی په چوک کې په غیر صحي ځای کې فعالیت کاوه چې له دې وروسته یې فعالیت و درول شو.
