کابل ښاروالۍ د اړتیا له مخې تر هغه وخته چې بنسټیز کار پرې پیل کیږي،د یو ویشتمې ناحیې په یو شمیر سړکونو او کوڅو د جغل اچولو کار پیل کړ. کابل ښاروالي هغه ناحیو ته چې کمه پاملرنه ورته شوې،په خپلو لومړیتوبونو کې ځای ورکړی او برابرې پراختیا ته په کتو به د ښار په بیلابیلو ناحیو کې یو شمیر د بیارغونې او زیربنایي پروژې پلې کړي،چې په دې سره به یو شمیر چاپیریالي ستونزې حل شي. کابل ښاروالۍ ټولو اړوندو څانګو ته لارښونه کړې څو هرې ناحیې له اوسیدونکو سره په همغږۍ لومړیتوبونه په ګوته کړي،څو نوې پروژې پکې پلې شي.
